У суд накіраваная крымінальная справа пра ДТЗ з маршруткай у Смалявіцкім раёне. Аварыя забрала жыцці 13 чалавек.
Згодна з матэрыяламі справы, абвінавачаны Г. 20 лютага каля 14.55, ведаючы пра тэхнічную няспраўнасць кіраванага ім самазвала МАЗ, які належыць філіялу «Аўтамабільны парк № 20» ААТ «Мінаблаўтатранс» (г. Чэрвень), перавозячы груз, на 9-м км дарогі Р-69 Смалявічы — Шацк на тэрыторыі Смалявіцкага раёна страціў магчымасць кіравання ім і выехаў на паласу сустрэчнага руху, дзе адбылося сутыкненне з маршрутным мікрааўтобусам Citroen, які ехаў насустрач, перавозячы пасажыраў.
У выніку ДТЗ кіроўца мікрааўтобуса і 12 пасажыраў, з іх двое дзяцей, 2009 і 2011 гг. нараджэння, загінулі, а сямі пасажырам былі нанесеныя цяжкія цялесныя пашкоджанні.
Кіроўцу самазвала выставілі абвінавачванне ў парушэннях патрабаванняў правілаў дарожнага руху і эксплуатацыі транспартнага сродку, якія прывялі да смерці дзвюх і больш асоб, па ч. 3 арт. 317 КК. Санкцыя артыкула прадугледжвае ад трох да сямі гадоў пазбаўлення волі. Кіроўца МАЗа цалкам прызнаў сваю віну.
«Па выніках вывучэння крымінальнай справы выяўлена, што абвінавачанне Г. выстаўленае абгрунтавана і пацверджанае наяўнымі ў справе доказамі, яго дзеянні органам крымінальнага пераследу кваліфікаваныя правільна. Абставіны крымінальнай справы даследаваныя поўна, усебакова і аб’ектыўна. Мера стрымання ў выглядзе хатняга арышту ў дачыненні да абвінавачанага ўжытая абгрунтавана — падставаў для яе змены або адмены няма», — паведамілі ў Генпракуратуры.
Чытайце таксама
