Аляксандр Лукашэнка на цырымоніі ўручэння дзяржаўных узнагародаў расказаў пра інцыдэнт у Мачулішчах. У атацы на самалёт А-50 ён абвінаваціў Украіну, а потым прайшоўся па прэзідэнце Украіны Уладзіміру Зяленскім.
«Выснова адна. Я яшчэ неяк думаў, што Украіне патрэбны мір, што Зяленскі хвалюецца за свой народ. Прэзідэнт Зяленскі — проста гніда. Проста гніда! Такія аперацыі не праводзяцца без узгаднення з кіраўніком краіны і галоўнакамандуючым. Гэта я вам кажу як прэзідэнт», — заявіў Лукашэнка.
«Гніда таму, што ён бегае вакол Беларусі, пасылае да нас людзей і просіць, як я ўжо казаў: „Давайце заключым пакт аб ненападзе, давайце дамовімся, у нас з вамі няма ніякіх праблем“. На што я казаў: „Мы не збіраемся нападаць“. — „Не, давайце падпішам дамову пад заступніцтвам Арганізацыі Аб’яднаных Нацый, што вы на нас не нападзяце“. Вы чулі мае ўсе гэтыя заявы. І ў гэты час… Што ж, выклік кінуты», — дадаў Лукашэнка.
Адначасова ён падкрэсліў, што Беларусь не мае намеру быць уцягнутай у вайну.
«Калі яны разлічваюць (я ж ведаю, што яны хочуць нас уцягнуць у вайну па камандзе амерыканцаў)… Калі вы думаеце, што вы, кінуўшы гэты выклік, уцягняце нас у вайну заўтра, якая сёння ідзе ўжо па ўсёй Еўропе, вы памыляецеся, — сказаў Лукашэнка. — Яшчэ раз хачу падкрэсліць, асабліва мясцовым мярзотнікам і тым, хто ўцёк: яны ўсе ўстаноўленыя, мы іх знойдзем, там, за мяжой. А збеглым паўтараю: рыхтуйцеся, мы да вас ужо прыйшлі. І не выйце. І не пасціцеся ў гэтых мэсэнджарах. У нас нервы моцныя, мы ведаем, што трэба рабіць».