У Беларусі арыентавана з 20 па 26 верасня пройдуць маштабныя вайсковыя вучэнні. Пра гэта заявіў намеснік дзяржсакратара Савета бяспекі Беларусі Павел Муравейка.
«У іх бяруць удзел, як правіла, усе элементы вайсковай арганізацыі дзяржавы, прыцягваецца тэрытарыяльная абарона. На апошняе вучэнне будзе прыцягвацца ў тым ліку і народнае апалчэнне», — паведаміў Муравейка.
У якой частцы Беларусі правядуць вучэнні — не ўдакладняецца.
У Савеце бяспекі заявілі пра гатоўнасць правесці сумесныя вайсковыя вучэнні з Польшчай
«Калі палякі гатовыя правесці з намі вучэнні, мы з задавальненнем выступім з такой ініцыятывай і разгледзім, якія пытанні мы зможам адпрацаваць сумесна», — заявіў Муравейка.
Ён адзначыў, што «пытанні для магчымай адпрацоўкі ляжаць на паверхні: супрацьпаветраная абарона ў рамках аховы сумеснай мяжы, памежная бяспека, процідзеянне транспамежным пагрозам, звязаным з біялагічнымі і іншымі надзвычайнымі сітуацыямі».
«Будзе прапанова — з’явіцца нашая зваротная рэакцыя і нашыя дзеянні», — адзначыў прадстаўнік Савета бяспекі Беларусі.