У TikTok з’явілася відэа з крамы — пакупнік здымае невялікі пачак беларускіх сушаных баравікоў. Цана ўражвае: упакоўка на 50 грамаў каштуе 24,69 рубля, а кілаграм — 493,80 беларускага рубля.
@friong2 Шок!!! Это по нашему!!!
Як звычайна і бывае ў такіх выпадках, меркаванні каментатараў падзяліліся. Хтосьці абураўся высокай цаной, хтосьці слушна задаваў пытанне — колькі вёдраў белых грыбоў пойдзе на тое, каб атрымаць 1 кг сушаных. Але былі і тыя, хто паставіўся да такой цаны з гумарам і нават прапанаваў прыняць цану сушаных баравікоў за эталон мінімальнага заробку ў Беларусі.
Дзеля цікавасці мы параўналі кошт сушаных белых грыбоў у Беларусі і ў краінах-суседзях. Так, у Літве кілаграм сушаных баравікоў можна знайсці за 66-159,8 еўра за кг (232,6−563 беларускія рублі), у Польшчы — ад 282 да 539 злотых (232−443,7 беларускага рубля).
Нагадаем, у лістападзе ў адной з беларускіх гандлёвых сетак былі заўважаныя сушаныя баравікі па 650 рублёў за кілаграм — праўда, прывезеныя з Польшчы.